Aconceyemos con Iniciativa pol Asturianu nel conseyu de Mocedá de Xixón

PrimaveraAsturiana actualidad, autonomico

Pablo M. Testa, responsable de programa de Política Llingüística, aconceyó’l pasáu 11 d’abril col Presidente d’Iniciativa pol Asturianu, Inaciu Galán, acompañáu por Iván Llera Huerta vocal de medios de comunicación de l’Asociación. Nel conceyu pudimos treslladar la nuesa dimposición a trabayar conxuntamente p’algamar la igua de derechos en materia llingüística, cola declaración de cooficialidá de les llingües d’Asturies nel Estatutu d’Autonomía.


Iniciativa pol Asturianu denunció por exemplu l’ausencia tovía de profesoráu d’asturianu n’escueles públiques como Zarréu, quedando malpenes dos meses pa la fin del cursu. Una vergoña evidentemente compartída a la qu’hai de poner igua. Dende l’asociación tamién se mos treslladó que veíen de sentíu nun circunscribir l’apertura de reforma del Estatutu únicamente a la declaración de cooficialidá. De la mesma manera que se compartió la necesidá, tresmitía pola práctica totalidá de les entidaes interpelaes, d’emisiones de conteníos infantiles y xuveniles en llingua asturiana, yá que nun hai programación d’esa triba na TPA.


Al respeutive de RTPA plantégase dende Iniciativa, y sigue na llinia que se comparte, la necesidá de que la Direición del ente tea ocupada por daquién, qu’ente otres coses, tenga sensibilidá llingüística pa que nun asoceda como nestos años pasaos onde los conteníos en llingua asturiana o en gallego-asturiano suponíen un porcentaxe ridículu pa un ente públicu de comunicación que tien ente los sos oxetivos marco, precisamente, la normalización llingüística. O l’ausencia de películes doblaes al asturianu el pasáu añu.


Creyemos que foi un conceyu prestosu y productivu que caltién el compromisu de dambes entidaes pa coles llingües d’Asturies ca una nel so ámebtu d’aición.